कतारमा डि आइ डी ग्रुप र नेपाली कलाकारहरुको साथमा इद धमाका २०१२ हुँदै ।

 रवि रोषी, दोहा -मुस्लिम धर्मावलम्वीहरुको पवित्र महिना रमादान र इद पर्वको पावन अवसरमा कतारको दोहामा “इद धमाका २०१२” कार्यक्रमको आयोजना हुने भएको छ । इदको पहिलो र दोश्रो दिन गरी दुई दिन देखाईने सो कार्यक्रममा भारतीय डान्स इण्डिया डान्सका चर्चित ४ नृत्यकारहरुको प्रस्तुती रहनेछ सोही कार्यक्रममा नेपालबाट पनि चर्चित कलाकारहरु आउने निश्चित भैसकेको छ ।

भारतीय चर्चित मनोरञ्जनात्मक जि टिभी नामक टेलिभिजन च्यानलद्धारा आयोजित विभिन्न बर्षका उत्कृष्ट ४ नृत्यकारहरुमा डि आइ डी सिजन ३ का प्रदीप गुरुङ, डि आइ डी सिजन २ का साजन सिंह, डि आई डी सिजन २ का प्रिन्स गुप्ता र डि आई डी सिजन २ की भावना पुरोहित आउने भएकी हुन् ।

त्यस्तै गरी नेपालबाट आउने कलाकारहरुमा नेपालका चर्चित आधुनिक तथा गजल गायक प्रमोद खरेल, नेपाली साकिराको नामले प्रसिद्धि कमाएकी बर्षकै हट गायिका इन्दिरा जोशी, बर्षकै हट नायिका मध्येकी चर्चित हट नायिका विनिता बराल, चर्चित पप गायक धिरज राई, आधुनिक गायिका मल्लिका कार्की र चर्चित नृत्यांगना रिया श्रेष्ठको पनि नयाँ नयाँ प्रस्तुती रहने भएको छ ।

कला सुब्बाले सञ्चालन गर्ने कार्यक्रममा नेपाली हास्य क्षेत्रका चर्चित जोडी धुर्मुसे र सुन्तलीको पनि फरक र जोरदार प्रहसन रहने सो कार्यक्रम करीब ५ घन्टाको रहने कुरा पनि आयोजक पक्षले जनाएको छ ।

कतारको अति सुविधा सम्पन्न ए सी युक्त अल अरबी स्पोटर्स क्लवको हल भित्र एकै पटकमा करीब ५ हजार दर्शकले हेर्न सक्ने क्षमता रहेको कार्यक्रमको टिकट दर भने ५० रियाल र १०० रियाल रहेको आयोजकले जानकारी गराएका छन् ।

कुमार रेग्मीको पहिलो प्रस्तुती रहेको इद धमाका २०१२ को व्यवस्थापन पक्षमा लक्ष्मण खतिवडा रहेका छन् भने स्याङ्जा सहयोग समाज विशेष सहयोगी संस्थाको रुपमा रहेको छ । इद धमाका २०१२ को मिडिया पार्टनरमा कतारबाट सञ्चालनमा आएको नेपाल कतार न्यूज र पिएनी मिडिया रहेको छ । कार्यक्रमको बारेमा थप जानकारी लिनको लागि ७७४६३२६५ र ५५४१९७१६ मोबाईल नम्बर पनि २४ सै घन्टा सेवामा रहेको छ ।